Termizda OAV vakillari uchun sudlar faoliyatini yoritish bo‘yicha seminar-trening o‘z ishini boshladi
Termiz shahrida Qashqadaryo va Surxondaryo viloyatlari OAV vakillari uchun ikki kunlik seminar-trening o‘tkazilmoqda. Tadbir "Sud-huquq tizimini mustahkamlash" loyihasi doirasida tashkil etilgan.
Mass-media fondi texnologiyalar yordamida amalga oshiriluvchi gender asosidagi zo‘ravonlikka (TFGBV) qarshi kurash mavzusiga bag‘ishlangan davra suhbati o‘tkazdi
2024-yil 18-iyul kuni Toshkent shahrida “Raqamli xavfsizlikni kuchaytirish: texnologiyalar yordamida gender asosidagi zo‘ravonlikka qarshi kurashish” mavzusida davra suhbati bo‘lib o‘tdi.
Sudlar faoliyatini yoritish bo‘yicha jurnalistlar uchun seminar-trening Buxoroda o‘z ishini boshladi
30-iyul kuni Buxoro shahrida Buxoro, Navoiy va Samarqand viloyatlari ommaviy axborot vositalari vakillari uchun 2 kunlik seminar-trening o‘z ishini boshladi. Tadbir O‘zbekiston Respublikasi Oliy sudi, USAID hamda "East-West Management Institute" xalqaro nodavlat notijorat tashkiloti tomonidan Mass-media fondi va AOKA bilan hamkorlikda amalga oshirilayotgan "Sud-huquq tizimini mustahkamlash" loyihasi doirasida bo‘lib o‘tmoqda.
Bugun Milliy mass-mediani qo‘llab-quvvatlash va rivojlantirish jamoat fondi Vasiylik kengashining tashkiliy masalalarga bag‘ishlangan yig‘ilishi bo‘lib o‘tdi.
Yig‘ilishda Vasiylik kengashi raisi lavozimiga Fond direktori sifatida ishlab kelayotgan Akramjon Fozilovning nomzodi ko‘rib chiqildi va ma’qullandi. Jurnalistika va kommunikatsiya sohasida tajribaga ega Jahongir Azimov Mass-media fondi direktori etib tayinlandi.
Bugun Mass-media fondi “Ekolog” jamoat birlashmasi bilan hamkorlikda Toshkent shahridagi Vebster universitetida “Iqlim o‘zgarishiga qarshi kurashda OAV va ta’limning o‘rni” mavzusida media yo‘nalishida tahsil olayotgan talabalar bilan ochiq suhbat o‘tkazdi.
Asosiy e’tibor ekologik muammolar, ularning kelib chiqish sabablari, oqibatlari va tabiatni asrash bilan bog‘liq barcha muhim fikrlarni keng jamoatchilik e’tiboriga to‘g‘ri yetkazishda OAVning roliga qaratildi. Tadbirdan ko‘zlangan asosiy maqsad yoshlarni ekologik harakatga keng jalb etish, ularning ekologik muammolarga oid bilim va dunyoqarashini kengaytirish hamda bo‘lajak media mutaxassislari sifatida talabalarda ushbu mavzu bo‘yicha faol pozitsiyani shakllantirishdan iborat edi. Fond direktori A.Fozilov o‘z nutqida OAV atrof-muhitning bugungi holati, ekotizimning ifloslanishi bilan bog‘liq muammolar to‘g‘risida ma’lumot yetkazish orqali keng jamoatchilikni muammo ko‘lamini anglab, uning jiddiyligini his etib, ekologik vaziyatni yaxshilash yo‘lida harakat qilishga undashi mumkinligini ta’kidladi.
