Комил Алламжонов
Komil Allamjonov
Fond vasiylik kengashi raisi

Maʼlumoti

Oʻzbekiston Davlat sanʼat va madaniyat institutini (2006 y.) va Toshkent davlat iqtisodiyot universitetinni (2010 y.) tamomlagan.

Garvard yozgi maktabida chet tillarini o‘rgangan.

Ish Faoliyati

2002 – 2005 Oʻzbekiston Respublikasi Favqulodda vaziyatlar vazirligi matbuot xizmatining bosh mutaxassisi

2005 – 2009 Davlat soliq qoʻmitasining matbuot xizmati rahbari vazifasini bajaruvchi

2009 – 2013 Davlat soliq qoʻmitasining axborot xizmati rahbari, raisning matbuot kotibi

2017 – 2018 Prezident Administratsiyasi rahbari oʻrinbosari – Oʻzbekiston Respublikasi Prezidenti matbuot kotibi

2018 – 2019 Oʻzbekiston matbuot va axborot agentligi bosh direktori v.b.

2019 – 2020 Prezident administratsiyasi huzuridagi Axborot va ommaviy kommunikatsiyalar agentligi (AOKA) direktori v.b.

2020 – hozirga qadar Milliy mass-mediani qoʻllab-quvvatlash va rivojlantirish jamoat fondi vasiylik kengashi raisi

Komil Allamjonov boshchiligida Oʻzbekiston Respublikisi Davlat soliq qoʻmitasi matbuot xizmati faoliyati tubdan takomillashtirildi. 2010-yili mamlakatning eng yaxshi matbuot xizmati rahbari sifatida “Oltin qalam” mukofoti bilan taqdirlandi.

K. Allamjonov Oʻzbekiston Respublikasi Prezidenti matbuot kotibi lavozimida davlat rahbari faoliyatini yoritishda axborot taʼminotini yangi bosqichga olib chiqdi. Press-xoll ishga tushirildi, mediamarkaz tashkil etildi.

AOKAdagi faoliyati davrida K. Allamjonov boshchiligida OAV sohasi va Oʻzbekistonda soʻz erkinligini ta’minlash borasida qator islohotlar amalga oshirildi. Xorijiy yangiliklar manbalari va inson huquqlariga oid tashkilotlar veb-saytlaridan foydalanish imkoni qayta tiklandi. Davlat va boshqaruv organlarida 400dan ortiq matbuot xizmatlari tashkil etildi, matbuot kotiblarining maqomi oshdi. Oʻzbekiston jurnalistlari kasbiy etikasi kodeksi joriy qilindi. Tuhmat va haqorat uchun ozodlikdan mahrum qilish jazosini bekor qilish tashabbusini ilgari surdi. Agentlik nufuzli xalqaro tashkilotlar bilan hamkorlikni yoʻlga qoʻydi, Oʻzbekiston tarixida ilk bor YEXHT vakillari bilan ommaviy axborot vositalari faoliyati va soʻz erkinligiga bagʻishlangan davra suhbati oʻtkazildi.

“Milliy TV” respublika musiqiy-koʻngilochar telekanali asoschisi.

Комил Алламжонов
Saida Mirziyoeva
Fond vasiylik kengashi raisining o‘rinbosari

Maʼlumoti

Oʻzbekiston Respublikasi Jahon iqtisodiyoti va diplomatiya universitetining xalqaro huquq boʻyicha bakalavr darajasiga ega (2006). 2008-yilda Toshkent davlat yuridik universitetining huquqshunoslik magistri, 2010-yilda M. Lomonosov nomidagi Moskva davlat universitetining iqtisod magistri diplomlarini olgan.

2010 – 2018 Ilmiy tadqiqot faoliyati

2018 – hozirga qadar O‘zbekiston Respublikasi Prezidenti huzuridagi Davlat boshqaruvi akademiyasi tadqiqotchisi

2018 – hozirga qadar M. Lomonosov nomidagi Moskva davlat universiteti Strategik tadqiqotlar markazining ilmiy xodimi

Ish faoliyati

2019 – 2020 Oʻzbekiston Respublikasi Prezidenti administratsiyasi huzuridagi Axborot va ommaviy kommunikatsiyalar agentligi direktorining oʻrinbosari.

2019 – hozirga qadar Oʻzbekiston Respublikasi Gender tengligini taʼminlash boʻyicha komissiya aʼzosi

2020 – hozirga qadar Milliy mass-mediani qoʻllab-quvvatlash va rivojlantirish jamoat fondi vasiylik kengashi raisi oʻrinbosari

Saida Mirziyoyeva AOKA direktori oʻrinbosari vazifasida PR-markaz faoliyatini muvofiqlashtirish, davlat va boshqaruv organlarida oshkoralikni taʼminlash masalalarini nazorat qilish bilan shug’ullandi. Oʻzbekiston Respublikasi Prezidentining 5 tashabbusi doirasida loyihalarni amalga oshirdi.

Gender tengligini taʼminlash boʻyicha komissiya aʼzosi sifatida Saida Mirziyoyeva mamlakatimiz ayollarining huquqlarini kengaytirish gʻoyalarini ilgari suradi. 2020-y. fevral oyida Dubay Ayollar Tashkiloti tomonidan Dubayda oʻtkazilgan Global ayollar forumida ishtirok etdi.

2020-y. aprel oyida respublika miqyosida “Xavfsiz yordam” loyihasini ishga tushirdi, uning doirasida COVID-19 pandemiyasi davrida ijtimoiy himoyaga muhtoj ayollarga moddiy yordam koʻrsatildi.

Yurtimiz madaniy merosini asrash ishlarida faol qatnashadi. Uning koʻmagida 2021-y. Parijdagi Luvr muzeyida Oʻzbekiston madaniy merosiga bagʻishlangan koʻrgazmani tashkil etish rejalashtirilgan.

Saida Mirziyoyeva boshchiligida koʻrish qobiliyatida nuqsoni boʻlgan bolalarni qoʻllab-quvvatlash, ularni Brayl alifbosida chop etilgan darsliklar, badiiy, ilmiy va boshqa zarur adabiyotlar bilan taʼminlashga qaratilgan “Koʻngil koʻzi” loyihasining faoliyat doirasi kengaydi.

Yangi ish joyida ham “Koʻngil koʻzi” loyihasini amalga oshirishga koʻmaklashmoqda.

Комил Алламжонов
Xushnud Xudoyberdiyev
Direktor

Maʼlumoti

2012 – 2010 Toshkent davlat Yuridik instituti (magistratura bosqichi);

2006 – 2010 Toshkent davlat Yuridik instituti (bakalavriat bosqichi).

Karyera

2010 – 2013 Toshkent davlat yuridik instituti oʻqituvchisi.

2013 – 2017 Oʻzbekiston kasaba uyushmalari federatsiyasining yurist maslahatchisi.

2012-yilda u internetda oʻzining “Xushnudbek.uz” shaxsiy saytini yaratgan. Saytda mamlakatning ijtimoiy-iqtisodiy va siyosiy hayotiga oid qabul qilingan qonunlar va boshqa meʼyoriy hujjatlar tahlil qilingan 900 ga yaqin maqola eʼlon qilindi.

2014-yilda “Jurnalistikadagi ijtimoiy mavzularni yoritishda innovatsion yechimlar va yondashuvlar” nominatsiyasi boʻyicha IX “Oltin qalam” Milliy mukofoti laureati; Uz domenlari milliy Internet festivalining “Jamiyat va men” tanlovi va MIT.uz milliy Internet tanlovining gʻolibiga aylandi.

2016-yilda X.Xudoyberdiyev “Oʻzbekiston belgisi” koʻkrak nishoni bilan taqdirlandi. 2019-yilda esa Prezident farmoni bilan u “Kelajak bunyodkori” medali bilan taqdirlandi. Uning Telegram messenjeridagi “Xushnudbek.uz” nomli shaxsiy blogida bugungi kunda 260 mingdan ortiq obunachilar bor.

Hozirgi kunda X.Xudoyberdiyev Milliy mass-mediani qoʻllab-quvvatlash va rivojlantirish jamoat fondi direktori sifatida mamlakatda soʻz erkinligini yanada rivojlantirish, jurnalistlar va blogerlarni har tomonlama himoya qilishga qaratilgan qator loyihalar ustida ishlamoqda.